Silaannarsuarmik kissatsitsisartut

Uumassusillit atorlugit ikummateqarnermi silaannarsuarmik kissatsitsisartut CO₂-it, metanit lattergassillu silaannarsuarmut aniatinneqartarput. 2012-mi Kalaallit Nunaata nukimmik atuineranit mingutsisinerup 99,5 procentia CO₂-juvoq silaannarsuarmik kissatsitsisartoq.

Mingutsitsineq metanimeersoq 0,2 procentiusimavoq lattergas 0,3 procentiulluni. Titartagaq 2.1-mi CO₂ tunngavigalugu uutortarneqarsimasut mingutsitsinerit takuneqarsinnaapput. CO₂-ækvivalentit atorlugit uutortarneqarsimasut mingutsitsinerit silaanarsuarmi assigiinngitsunik mingutserisarnerit immikkut siginiarneqarsimavoq, assigiinngitsunik mingutsitseriaaseqarnertik pissutigalugu assigiinngitsumik kissatsitseriaaseqarput.

 

Kalaallit Nunaanni nukissiornermi, angallassinermi assartuinermilu aamma toqqaannarlugu kiassarnerni uuliamik qanoq annertutigisumik atuisimaneq apeqqutaalluni ukiumiit ukiumut silaannarsuarmik kissatsitsisartunik mingutsitsineq nikerarpoq. 2011-mi silaannarsuarmik kissatsitsisartunik mingutserineq aatsaat taamak qaffasitsigaaq. 2012-mili uuliamik misissuinermi qillerisoqannginnera kiisalu piujuaannartumik nukissiorneq pissutaallutik silaannarsuarmik kissatsitsisartunik mingutsitsineq annikillerujussuarpoq, 1995-miilli taamatut mingutsitsineq aatsaat taamak appasitsigaluni.

 

Titartagaq 2.1. Nukimmik atuinermit silaannarsuarmik kissatsitsisartunik mingutsitsineq

Najoqqutaq: Naatsorsueqqissaartarfik